ஜோதிட அசுப தோஷங்கள் பகுதி 6 - சகட யோகம்…

ஜோதிட அசுப தோஷங்கள் பகுதி 6 - சகட யோகம்

ஜோதிடத்தில் உள்ள அசுப தோஷங்கள் பற்றி சில சில தோஷங்களாக இந்த பகுதிகளில் பார்த்து வருகிறோம், ஒன்றை எப்போதும் ஞாபகம் வைத்துக்கொள்ளுங்கள் எந்த ஒரு தோஷமானாலும் அது அந்த ஜாதகரீதியாக தீவிரமானால் தான் அந்த தோஷங்களால் தீய பலன்கள் ஜாதகருக்கு ஏற்படும் என்பது ஞாபகம் இருக்கட்டும்.


சகட யோகம்
தோஷங்கள் எழுதும் பதிப்பில் சகட யோகம் என்று எழுதுகிறாரே என்று உங்களுக்கு தோன்றலாம் யோகம் என்றால் ஒன்றிணைவு என்று பொருள் இதை பொதுவாக யோகம் என்றால் அதிர்ஷ்டம் என்று தவறாக பொருள் கொள்ளப்படுகிறது அப்படி அல்ல ஜோதிட முறையில் பொருள் கொள்வதானால் நவகிரகங்களின் இராசி, ஸ்தான மற்றும் தங்களுக்குள் ஏற்படும் ஒருங்கிணைப்பு அல்லது ஒழுங்கமைப்புக்கு "யோகம்" என்று பொருள் ஆகும் சரி விஷயத்திற்கு வருவோம்.

சலனமதியோன் என்ற கூறப்படும் சந்திரன் தெய்வமந்திரி என்று போற்றப்படும் குரு பகவானுக்கு 12 ஆம், 8ஆம், 6ஆம் இடத்தில் இருந்து ஜன்ம லக்னத்திற்கு சந்திரனோ குருவோ இதில் யாரோ ஒருவர் 12 ஆம், 8ஆம், 6ஆம் இடத்தில் அமர்ந்தால் அதற்கு சகட யோகம் ஏற்படும்.
இதன் பலன்கள் -
மனம் பலகீனமானவராக இருக்க வைக்கும், வாழ்வில் அதிர்ஷ்டங்கள் குறைவாக இருக்கும், பற்றாக்குறையான வசதி வாய்ப்புகள், முன்னேற்றம் மேலும் கீழும் ஆக இருக்கும், வறுமை, இடர்பாடுகள் மற்றும் உறவினர்கள் பகை போன்றவை ஏற்படும், மற்ற கிரகங்கள் சாதகமாக இருந்தால் மேலே சொன்ன பலன்கள் குறைவாக நடக்கும்.
சகட யோகம் ஒரு வகை உதாரண படம்


- ஜோதிஷ் சிவதத்துவ சிவம்

திருமண நட்சத்திர பொருத்தம் - பெண் அஸ்வினி - ஆண் பூசம்…



திருமணப் பொருத்தம் - நட்சத்திர பொருத்தம் - பெண் அஸ்வினி -ஆண் பூசம்

முதலில் ஒன்றை ஞாபகத்தில் வைத்துக் கொள்ளவும் அது நட்சத்திரப் பொருத்தம் என்பது திருமணப் பொருத்தத்தில் ஒரு நுழைவாயில் (entry gate) மட்டுமே அதற்கு மேல் தோஷப் பொருத்தம்கிரக பொருத்தம்திசா ரீதியான பொருத்தம் என பலகட்டங்களை திருமணப் பொருத்ததில் தாண்ட வேண்டும்நட்சத்திர ரீதியான பொருத்தத்தில் சொல்லப்படும் உத்தம பொருத்தம்மத்திம பொருத்தம்அஸங்கம் (சேர்க்கை இல்லை) ஆகியவற்றின் பொருத்த பலம் தனிபட்ட ஜாதகத்தின் பலம் மற்றும் பலவீனத்தை ஒட்டி மாறுபடும் தன்மை கொண்டது என்பதையும் ஞாபகத்தில் வைத்துக் கொள்ளவும்.

பொருத்த தரம் : -  1) அதி உத்தமம், 2) உத்தமம், 3) மத்திமம், 4) அஸங்கம்

1. தினப்பொருத்தம் -
தினப் பொருத்தத்தின் மூலம் தம்பதிகளின் அன்றாட வாழ்நாட்களில் நிகழும் சம்பவங்களை அவர்கள் எதிர்கொள்ளும் தன்மை காட்டுவதாகும். இதில் பெண் நட்சத்திரம் முதல் ஆண் நட்சத்திரம் வரை எண்ணும் பொழுது 2,4,6,8,9,11,13,15,18,20,24,26 ஆகிய நட்சத்திரமாக வந்தால் தினப்பொருத்தம் உண்டு. 27 வதாக வரும் நட்சத்திரம், ஆண் பெண் இருவருக்கும் ஒரே ராசியானால் பொருத்தம் உண்டு. வெவ்வேறு ராசியானால் பொருத்தம் இல்லை.

திருமணப் பொருத்தத்தில் பெண்ணின் அஸ்வினி நட்சச்திரம் - ஆணின் பூசம் நட்சச்திரம் எண்ண 8 ஆக வருவதால் தினப்பொருத்தம் உண்டு.

2. கணப்பொருத்தம் -
இராசி மண்டலத்தில் இடம் பெற்றுள்ள 27 நட்சச்திரங்களை மூன்றுவித குண அமைப்பாக பிரித்துள்ளனர் நம் முன்னோர்கள் அந்த பிரிவே -1. தேவ கணம், 2. மனுஷ கணம், 3. ராக்ஷஸ கணம் இது தம்பதிகளின் குண அமைப்பின் ஒற்றுமையை காட்டும். 

1. தேவ கணம் என்பது மனித தன்மைகளில் உயர்ந்த குண அமைப்புகள் சற்று அதிகமாக பெற்றதாக அமையும்.
2. மனுஷ கணம் என்பது மனித தன்மைகளில் உள்ள இயல்பான உயர்ந்த மற்றும் தாழ்ந்த குண அமைப்புகளை கலவையாக பெற்றதென அமையும்.
3. ராக்ஷஸ கணம் - மனித தன்மைகளில் உள்ள குறைபாடான மற்றும் தாழ்ந்த குண அமைப்புகள் சற்று அதிகமாக பெற்றதாக அமையும்.

இதில் பெண்ணின் அஸ்வினி நட்தச்திரம் தேவ கணம் - ஆணின் பூசம் நட்சத்திரம் தேவ கணம் இவ்வாறாக அமைந்தால் கணப்பொருத்தம் உண்டு.

3. மஹேந்திரப் பொருத்தம் -
பெண்ணின் நட்சச்திரம் முதல் ஆணின் நட்சச்திரம் வரை எண்ணும் பொழுது 4,7,10,13,16,19,22,25 ஆக வந்தால் இப்பொருத்தம் உண்டு, இது தம்பதிகளின் குழந்தைக்காக கூடும் பலம், புத்திர விருத்தி ஆகியவற்றின் மோலோட்டமான பலத்தை காட்டும்.

திருமணப் பொருத்தத்தில் பெண்ணின் அஸ்வினி நட்சச்திரம் - ஆணின் பூசம் நட்சச்திரம் எண்ண 8 ஆக வருவதால் மேற்சொன்னபடி மஹேந்திரப் பொருத்தம் இல்லை.

4. ஸ்திரீ தீர்க்கம் -
பெண்ணின் நட்சச்திரம் முதல் ஆணின் நட்சச்திரம் வரை எண்ணும் பொழுது 7 க்குள் வந்தால் பொருத்தம் இல்லை 7க்கு மேல் வந்தால் மத்திம பொருத்தம், 13க்கு மேல் வந்தால் உத்தம பொருத்தம், இது தம்பதிகளில் பெண்ணின் ஆயுள் விருத்திக்காக பார்க்கபடும்.

திருமணப் பொருத்தத்தில் பெண்ணின் அஸ்வினி நட்சச்திரம் - ஆணின் பூசம் நட்சச்திரம் எண்ண 8 ஆக வருவதால் மேற்சொன்னபடி ஸ்திரீ தீர்க்க மத்திம பொருத்தம் உண்டு.

5. யோனிப் பொருத்தம் -
இராசி மண்டலத்தில் இடம் பெற்றுள்ள 27 நட்சச்திரங்களை தாம்பத்திய உணர்வு ரீதியாகவும், ஆண், பெண் இனக்குறி தன்மை ரீதியாகவும் 14 வகை மிருகங்களாக பிரித்துள்ளனர் நம் முன்னோர்கள் இதில் பெண்ணின் நட்சச்திரம், ஆணின் நட்சச்திரம் பகை தன்மை கொண்ட மிருகங்களாக வராமல் இருக்க வேண்டும்.

திருமணப் பொருத்தத்தில் பெண்ணின் அஸ்வினி நட்சச்திரம் மிருகப் பிரிவு குதிரையாகும் - ஆணின் பூசம் நட்சச்திரம் மிருகப் பிரிவு ஆடு ஆகும் இரண்டும் பகை தன்மை கொண்ட மிருகமாக வராததால் யோனிப் பொருத்தம் உண்டு.

6. இராசிப்பொருத்தம் -
பெண்ணின் இராசி முதல் ஆணின் இராசி வரை எண்ணும் பொழுது 1,7,9,10,11,12 ஆகிய இராசிகளாக வந்தால் இராசிப்பொருத்தம் உண்டு, பெண்ணின் இராசி முதல் ஆணின் இராசி வரை எண்ணும் பொழுது 2,3,4,5,6,8 ஆகிய இராசிகளாக வந்தால் இராசிப்பொருத்தம் இல்லை. இதனால் தம்பதிகளின் இராசிகளுடனான மனோரீதியான ஒற்றுமை அமைப்பை தெரிவிக்கும்.

பெண் மேஷ இராசி ஆண் கடக இராசி பெண்ணின் இராசி முதல் ஆணின் இராசி வரை எண்ணும் பொழுது  4 ஆக வருவதால் இராசிப்பொருத்தம் இல்லை.

7. இராசி அதிபதி பொருத்தம் -
12 இராசிகளின் 7 அதிபதிகளுக்கிடை உள்ள நட்பு, சமம், பகை என்ற மூன்று வகை உறவுமுறைகளை வைத்து பார்க்க படும் பொருத்தம் இதில் இராசி அதிபதிகள் பகை என்ற உறவு வந்தால் பொருத்தமில்லை. இதனால் தம்பதிகளின் சந்திரன் அமர்ந்திருக்கும் இராசி அதிபதிகளுடனான மனோரீதியான ஒற்றுமை அமைப்பை தெரிவிக்கும்.

பெண் மேஷ இராசி அதிபதி செவ்வாய் ஆண் கடக இராசி அதிபதி சந்திரன்பெண் இராசி அதிபதி செவ்வாயாகவும் ஆண் இராசி அதிபதி சந்திரனும் தங்களுக்குள் நட்பு, சமம் உறவுமுறை வருவதால் இராசி அதிபதி பொருத்தம் உண்டு.

8. வசிய பொருத்தம் -
இது தம்பதிகளுக்கிடையே உள்ள அன்னியோன்ய உறவை, இருவருக்கான ஈர்ப்பு ஆகியவற்றை குறிக்கும் பொருத்தம் ஆகும். இப்பொருத்தம் அமைந்தால் இன்னம் சிறப்பாகும் மற்றபடி இப்பொருத்தம் இல்லை என்றாலும் பெரிய பாதகம் இல்லை.

மேஷ இராசிக்கு வசிய பொருத்தம் உள்ள இராசிகள் சிம்மம், விருச்சிகம். இதில் ஆண் கடக இராசியானதால் - பெண் மேஷ இராசியானதால் மேஷ இராசிக்கு வசிய பொருத்தம் உள்ள இராசியில்லை என்பதால் வசிய பொருத்தம் இல்லை.

9. ரஜ்ஜூப் பொருத்தம் -
ரஜ்ஜூப் பொருத்தம் என்றும் மாங்கல்ய பொருத்தம் என்றும் கயிறு பொருத்தம் என பலவாறாக கூறப்படும் இது முக்கிய பொருத்தம் ஆகும், இது தம்பதிகளின் இணைப்பினால் உண்டாகும் ஆயுள் பலத்தை காட்டும் மேலும் வாழ்க்கை சக்கரத்தில் ஒன்றாக பயணிக்கும் பலத்தையும் காட்டும்,

செவ்வாயின் மிருகசீரிஷம், சித்திரை, அவிட்டம் ஆகிய 3 நட்சத்திரங்கள் சிரசு அதாவது தலை ரஜ்ஜூவில் ஒரே ரஜ்ஜூவாகும்.
இராகுவின் சதயம், சுவாதி, திருவாதிரை நட்சத்திரங்களும் சந்திரனின் ரோஹிணி, அஸ்தம், திருவோணம் நட்சத்திரங்களும் ஆகிய 6 நட்சத்திரங்கள் கழுத்து ரஜ்ஜூவில் ஒரே ரஜ்ஜூவாகும்.
சூரியனின் கார்த்திகை, உத்திராடம், உத்திரம் நட்சத்திரங்களும் குருவின் புனர்பூசம், விசாகம், பூரட்டாதி நட்சத்திரங்களும் ஆகிய 6 நட்சத்திரங்கள் வயிறு ரஜ்ஜூவில் ஒரே ரஜ்ஜூவாகும்.
சுக்கிரனின் பரணி, பூரம், பூராடம் நட்சத்திரங்களும் சனியின் அனுஷம், பூசம், உத்திரட்டாதி நட்சத்திரங்களும் ஆகிய 6 நட்சத்திரங்கள் தொடை ரஜ்ஜூவில் ஒரே ரஜ்ஜூவாகும்.
கேதுவின் அஸ்வினி, மகம், மூலம் நட்சத்திரங்களும் புதனின் கேட்டை, ரேவதி, ஆயில்யம் நட்சத்திரங்களும் ஆகிய 6 நட்சத்திரங்கள் பாத ரஜ்ஜூவில் ஒரே ரஜ்ஜூவாகும்.

இதில் பெண்ணின் நட்சச்திரமும் - ஆணின் நட்தச்திரமும் ஒரே ரஜ்ஜூவானால் பொருத்தமில்லை வெவ்வேறு ரஜ்ஜூவானால் உத்தமம், பெண்ணின் நட்சச்திரமும் - ஆணின் நட்தச்திரமும் ஆரோகணம் மற்றொன்று அவரோகணம் ஆக வந்தால் மத்திம ரஜ்ஜூ பொருத்தம் உண்டு என்று சில ஜோதிட நூல்கள் உரைக்கின்றன.

திருமணப் பொருத்தத்தில் பெண்ணின் அஸ்வினி நட்சச்திரம் பாத ரஜ்ஜூ - ஆணின் பூசம் நட்சச்திரம் தொடை ரஜ்ஜூ எனவே வெவ்வேறு ரஜ்ஜூவானதால் ரஜ்ஜூப் பொருத்தம் உண்டு.

10. வேதை பொருத்தம் -
வேதை என்றால் இடையூறு, தடை  எனப் பொருள்படும். 27 நட்சச்திரங்களில் குறிப்பிட்ட நட்சத்திரம் மற்றொரு நட்சச்திரத்திற்கு வேதை ஏற்படுத்தும் என்று ஜோதிட நூல்கள் உரைக்கின்றன, எனவே இவ்வாறு வேதை ஏற்படுத்தும் நட்சச்திரங்கள் பொருத்தமில்லாது போகும்.

ஒன்றுக்கொன்று வேதை அடையும் நட்சத்திரங்கள் :

    அஸ்வினி - கேட்டை
    பரணி - அனுஷம்
    கார்த்திகை - விசாகம்
    ரோஹிணி - சுவாதி
    திருவாதிரை - திருவோணம்
    புனர்பூசம் - உத்திராடம்
    பூசம் - பூராடம்
    ஆயில்யம் - மூலம்
    மகம் - ரேவதி
    பூரம் - உத்திரட்டாதி
    உத்திரம் - பூரட்டாதி
    அஸ்தம் - சதயம்
    மிருகசீரிஷம் - சித்திரை
    மிருகசீரிஷம் - அவிட்டம்
    சித்திரை- அவிட்டம்

பெண்ணின் அஸ்வினி நட்சச்திரமும் - ஆணின் பூசம் நட்சத்திரமும் வேதை அடையும் நட்சத்திரங்கள் இல்லை எனவே வேதை பொருத்தம் உண்டு.

11. நாடிப் பொருத்தம் -
நமது மருத்துவத்தில் உடலின் பஞ்பூத கலப்பு சக்தியை வைத்து மூன்று வகை நாடிகளாக வகைபடுத்துவர் அது வாதம், பித்தம், சிலேத்துமம் இதை சமஸ்கிருதத்தில் பார்சுவநாடி, மத்தியா நாடி, சமான நாடி என்பர் இதில் இந்த வகைபடுத்தலை 27 நட்சச்திரங்களுக்கும் பொருத்தபட்டுள்ளது அவை
பார்சுவநாடி () வாத நாடி - அஸ்வினி, திருவாதிரை, புனர்பூசம், உத்தரம், அஸ்தம், கேட்டை, மூலம், சதயம், பூரட்டாதி
மத்தியா நாடி () பித்த நாடி - பரணி, மிருகசீரிஷம், பூசம், பூரம், சித்திரை, அனுஷம், பூராடம், அவிட்டம், உத்திரட்டாதி.
சமான நாடி () சிலேத்தும நாடி - கார்த்திகை, ரோஹிணி, ஆயில்யம், மகம், சுவாதி, விசாகம், உத்திராடம், திருவோணம், ரேவதி

பெண் நாடியும் ஆண் நாடியும் வெவ்வேறாக நாடியாக இருந்தாலும், பெண் நாடியும் ஆண் நாடியும் சமான நாடி (சிலேத்தும நாடி) இருந்தால் நாடிப் பொருத்தம் உண்டு.

பெண்ணின் அஸ்வினி நட்சத்திரம் வாத நாடி ஆகும் - ஆணின் பூசம் நட்சத்திரம் பித்த நாடி அடையும் இரண்டு நட்சத்திரங்களும் வெவ்வேறாக நாடியாக இருப்பதால் நாடிப் பொருத்தம் உண்டு.

12. விருட்ச பொருத்தம் -
விருட்சம் என்றால் மரம் இதில் 27 நட்சச்திரங்களையும் இளகிய பால் மரங்கள் என்ற ஒரு வகையிலும், உறுதிதன்மையான பால் இல்லாதது மரங்கள் மற்றொரு வகையிலும் பிரித்துள்ளனர், பெண்ணின் நட்சச்திரமும் - ஆணின் நட்தச்திரமும் பால் மரமாக இருந்தால் விருட்ச பொருத்தம் உண்டு, பெண் பால் மரமாகவும் ஆண் பால் இல்லாத வகை ஆனால் பொருத்தம் உண்டு இது ஒரு முக்கிய பொருத்தம் இல்லை

பால் இருக்கும் வகை
    கார்த்திகை - அத்தி
    ரோஹிணி - நாவல்
    பூசம் - அரசு
    ஆயில்யம் - புன்னை
    மகம் - ஆல்
    பூரம் - பலா
    உத்தரம் - அலரி
    அஸ்தம் - வேலம்
    கேட்டை - பிராய்
    மூலம் - மா
    பூராடம் - வஞ்சி
    உத்திராடம் - பலா
    திருவோணம் - எருக்கு
    பூரட்டாதி - தேமா
    ரேவதி -இலுப்பை
பால் இல்லாத வகை
    அஸ்வினி - எட்டி
    பரணி - நெல்லி
    மிருகசீரிஷம் - கருங்காலி
    திருவாதிரை - செங்கருங்காலி
    புனர்பூசம் - மூங்கில்
    சித்திரை - வில்வம்
    சுவாதி - மருதம்
    விசாகம் - விளா
    அனுஷம் - மகிழ்
    அவிட்டம் - வன்னி
    சதயம் - கடம்பு
    உத்திரட்டாதி - வேம்பு

பெண்ணின் அஸ்வினி நட்சத்திரம் பால் இல்லாத வகை - ஆணின் பூசம் நட்சத்திரமும் பால் இருக்கும் வகை எனவே பொருத்தமில்லை.

பெண்ணின் அஸ்வினி நட்சத்திரமும் - ஆணின் பூசம் நட்சத்திரமும் திருமண பொருத்தத்தில் மொத்தம் 12 பொருத்தில் 8 பொருத்தம் பெற்றுள்ளது அதில் முக்கிய பொருத்தங்கள் உள்ளதால் எனவே இந்த இரு நட்சத்திரங்களுக்கும் பொருந்த தரம் உத்தமம் (மேன்மையான பொருத்தம் உள்ளது).


- ஜோதிஷ் சிவதத்துவ சிவம்
 


Powered by Blogger