பெண் ரோஹிணி - ஆண் ரோஹிணி - திருமண நட்சத்திர பொருத்தம்...

பெண் ரோஹிணி - ஆண் ரோஹிணி - திருமண நட்சத்திர பொருத்தம்...
முதலில் ஒன்றை ஞாபகத்தில் வைத்துக் கொள்ளவும் அது நட்சத்திரப் பொருத்தம் என்பது திருமணப் பொருத்தத்தில் ஒரு நுழைவாயில் (entry gate) மட்டுமே அதற்கு மேல் தோஷப் பொருத்தம்கிரக பொருத்தம்திசா ரீதியான பொருத்தம் என பலகட்டங்களை திருமணப் பொருத்ததில் தாண்ட வேண்டும்நட்சத்திர ரீதியான பொருத்தத்தில் சொல்லப்படும் உத்தம பொருத்தம்மத்திம பொருத்தம்அஸங்கம் (சேர்க்கை இல்லை) ஆகியவற்றின் பொருத்த பலம் தனிபட்ட ஜாதகத்தின் பலம் மற்றும் பலவீனத்தை ஒட்டி மாறுபடும் தன்மை கொண்டது என்பதையும் ஞாபகத்தில் வைத்துக் கொள்ளவும்.

பொருத்த தரம் : - 1) அதி உத்தமம், 2) உத்தமம், 3) மத்திமம், 4) அஸங்கம்

1. தினப்பொருத்தம் -
தினப் பொருத்தத்தின் மூலம் தம்பதிகளின் அன்றாட வாழ்நாட்களில் நிகழும் சம்பவங்களை அவர்கள் எதிர்கொள்ளும் தன்மை காட்டுவதாகும். இதில் பெண் நட்சத்திரம் முதல் ஆண் நட்சத்திரம் வரை எண்ணும் பொழுது 2,4,6,8,9,11,13, 15,18,20,24,26 ஆகிய நட்சத்திரமாக வந்தால் தினப்பொருத்தம் உண்டு. 27 வதாக வரும் நட்சத்திரம், ஆண் பெண் இருவருக்கும் ஒரே ராசியானால் பொருத்தம் உண்டு. வெவ்வேறு ராசியானால் பொருத்தம் இல்லை.

திருமணப் பொருத்தத்தில் பெண்ணின் ரோஹிணி நட்சச்திரம் ஆணின் ரோஹிணி நட்சச்திரம் ஒரே நட்சச்திரமாக வருவதால் ஜோதிட சாஸ்திரத்தின் கூற்றின் படி இதற்கு தினப்பொருத்தம் இல்லை.

2. கணப்பொருத்தம் -
இராசி மண்டலத்தில் இடம் பெற்றுள்ள 27 நட்சச்திரங்களை மூன்றுவித குண அமைப்பாக பிரித்துள்ளனர் நம் முன்னோர்கள் அந்த பிரிவே -1. தேவ கணம், 2. மனுஷ கணம், 3. ராக்ஷஸ கணம் இது தம்பதிகளின் குண அமைப்பின் ஒற்றுமையை காட்டும்.

1. தேவ கணம் என்பது மனித தன்மைகளில் உயர்ந்த குண அமைப்புகள் சற்று அதிகமாக பெற்றதாக அமையும்.
2. மனுஷ கணம் என்பது மனித தன்மைகளில் உள்ள இயல்பான உயர்ந்த மற்றும் தாழ்ந்த குண அமைப்புகளை கலவையாக பெற்றதென அமையும்.
3. ராக்ஷஸ கணம் - மனித தன்மைகளில் உள்ள குறைபாடான மற்றும் தாழ்ந்த குண அமைப்புகள் சற்று அதிகமாக பெற்றதாக அமையும்.

இவ்வாறு அமைவது பொருந்தும்
ஆண்
ராக்ஷஸ கணம்
பெண்
ராக்ஷஸ கணம்
ஆண்
மனுஷ கணம்
பெண்
மனுஷ கணம்
ஆண்
தேவ கணம்
பெண்
தேவ கணம்
ஆண்
ராக்ஷஸ கணம்
பெண்
மனுஷ கணம்
ஆண்
மனுஷ கணம்
பெண்
தேவ கணம்
ஆண்
தேவ கணம்
பெண்
மனுஷ கணம்

இதில் பெண்ணின் ரோஹிணி நட்சச்திரம் மனுஷ கணம் - ஆணின் ரோஹிணி நட்சச்திரம் மனுஷ கணம் இவ்வாறாக அமைந்தால் கணப்பொருத்தம் உண்டு.

3. மஹேந்திரப் பொருத்தம் -
பெண்ணின் நட்சச்திரம் முதல் ஆணின் நட்சச்திரம் வரை எண்ணும் பொழுது 4,7,10,13,16,19, 22, 25 ஆக வந்தால் இப்பொருத்தம் உண்டு, இது தம்பதிகளின் குழந்தைக்காக கூடும் பலம், புத்திர விருத்தி ஆகியவற்றின் மோலோட்டமான பலத்தை காட்டும்.

திருமணப் பொருத்தத்தில் பெண்ணின் ரோஹிணி நட்சச்திரம் - ஆணின் ரோஹிணி நட்சச்திரமும் ஒரே நட்சச்திரமாக வருவதால் மேற்சொன்னபடி மஹேந்திரப் பொருத்தம் இல்லை.

4. ஸ்திரீ தீர்க்கம் -
பெண்ணின் நட்சச்திரம் முதல் ஆணின் நட்சச்திரம் வரை எண்ணும் பொழுது 7 க்குள் வந்தால் பொருத்தம் இல்லை 7க்கு மேல் வந்தால் மத்திம பொருத்தம், 13க்கு மேல் வந்தால் உத்தம பொருத்தம், இது தம்பதிகளில் பெண்ணின் ஆயுள் விருத்திக்காக பார்க்கபடும்.

திருமணப் பொருத்தத்தில் பெண்ணின் ரோஹிணி நட்சச்திரம் - ஆணின் ரோஹிணி நட்சச்திரமும் ஒரே நட்சச்திரமாக வருவதால் மேற்சொன்னபடி ஸ்திரீ தீர்க்க பொருத்தம் இல்லை.

5. யோனிப் பொருத்தம் -
இராசி மண்டலத்தில் இடம் பெற்றுள்ள 27 நட்சச்திரங்களை தாம்பத்திய உணர்வு ரீதியாகவும், ஆண், பெண் இனக்குறி தன்மை ரீதியாகவும் 14 வகை மிருகங்களாக பிரித்துள்ளனர் நம் முன்னோர்கள் இதில் பெண்ணின் நட்சச்திரம், ஆணின் நட்சச்திரம் பகை தன்மை கொண்ட மிருகங்களாக வராமல் இருக்க வேண்டும்.

திருமணப் பொருத்தத்தில் பெண்ணின் ரோஹிணி நட்சச்திரம் மிருகப் பிரிவு பாம்பு ஆகும் - ஆணின் ரோஹிணி நட்சச்திரம் மிருகப் பிரிவும் பாம்பு ஆகும் இரண்டும் பகை தன்மை கொண்ட மிருகமாக வராததால் யோனிப் பொருத்தம் உண்டு.

6. இராசிப்பொருத்தம் -
பெண்ணின் இராசி முதல் ஆணின் இராசி வரை எண்ணும் பொழுது 1,7,9,10,11,12 ஆகிய இராசிகளாக வந்தால் இராசிப்பொருத்தம் உண்டு, பெண்ணின் இராசி முதல் ஆணின் இராசி வரை எண்ணும் பொழுது 2,3,4,5,6,8 ஆகிய இராசிகளாக வந்தால் இராசிப்பொருத்தம் இல்லை. இதனால் தம்பதிகளின் இராசிகளுடனான மனோரீதியான ஒற்றுமை அமைப்பை தெரிவிக்கும்.

பெண் ரிஷப இராசி ஆகி ஆண் ரிஷப இராசி ஆகும் போது பெண்ணின் இராசி முதல் ஆணின் இராசி வரை எண்ணும் பொழுது 1 ஆக வரும் எனவே இராசிப்பொருத்தம் உண்டு.

7. இராசி அதிபதி பொருத்தம் -
12 இராசிகளின் 7 அதிபதிகளுக்கிடை உள்ள நட்பு, சமம், பகை என்ற மூன்று வகை உறவுமுறைகளை வைத்து பார்க்க படும் பொருத்தம் இதில் இராசி அதிபதிகள் பகை என்ற உறவு வந்தால் பொருத்தமில்லை. இதனால் தம்பதிகளின் சந்திரன் அமர்ந்திருக்கும் இராசி அதிபதிகளுடனான மனோரீதியான ஒற்றுமை அமைப்பை தெரிவிக்கும்.

பெண் ரிஷப இராசி ஆகி ஆண் ரிஷப இராசி ஆகும் போது இருவரின் இராசி அதிபதிகள் சுக்கிரனாவதால் இராசி அதிபதி பொருத்தம் உண்டு.

8. வசிய பொருத்தம் -
இது தம்பதிகளுக்கிடையே உள்ள அன்னியோன்ய உறவை, இருவருக்கான ஈர்ப்பு ஆகியவற்றை குறிக்கும் பொருத்தம் ஆகும். இப்பொருத்தம் அமைந்தால் இன்னம் சிறப்பாகும் மற்றபடி இப்பொருத்தம் இல்லை என்றாலும் பெரிய பாதகம் இல்லை.

ரிஷப இராசிக்கு வசிய பொருத்தம் உள்ள இராசிகள் கடகம், துலாம். இதில் பெண் ரிஷப இராசி ஆகி ஆண் ரிஷப இராசி ஆகும் போது இதில் பெண் இராசிக்கு ஆண் இராசி வசியமுள்ள இராசியாக வராததால் வசிய பொருத்தம் இல்லை.

9. ரஜ்ஜூப் பொருத்தம் -
ரஜ்ஜூப் பொருத்தம் என்றும் மாங்கல்ய பொருத்தம் என்றும் கயிறு பொருத்தம் என பலவாறாக கூறப்படும் இது முக்கிய பொருத்தம் ஆகும், இது தம்பதிகளின் இணைப்பினால் உண்டாகும் ஆயுள் பலத்தை காட்டும் மேலும் வாழ்க்கை சக்கரத்தில் ஒன்றாக பயணிக்கும் பலத்தையும் காட்டும்,

செவ்வாயின் மிருகசீரிஷம், சித்திரை, அவிட்டம் ஆகிய 3 நட்சத்திரங்கள் சிரசு அதாவது தலை ரஜ்ஜூவில் ஒரே ரஜ்ஜூவாகும்.
இராகுவின் சதயம், சுவாதி, திருவாதிரை நட்சத்திரங்களும் சந்திரனின் ரோஹிணி, அஸ்தம், திருவோணம் நட்சத்திரங்களும் ஆகிய 6 நட்சத்திரங்கள் கழுத்து ரஜ்ஜூவில் ஒரே ரஜ்ஜூவாகும்.
சூரியனின் கார்த்திகை, உத்திராடம், உத்திரம் நட்சத்திரங்களும் குருவின் புனர்பூசம், விசாகம், பூரட்டாதி நட்சத்திரங்களும் ஆகிய 6 நட்சத்திரங்கள் வயிறு ரஜ்ஜூவில் ஒரே ரஜ்ஜூவாகும்.
சுக்கிரனின் பரணி, பூரம், பூராடம் நட்சத்திரங்களும் சனியின் அனுஷம், பூசம், உத்திரட்டாதி நட்சத்திரங்களும் ஆகிய 6 நட்சத்திரங்கள் தொடை ரஜ்ஜூவில் ஒரே ரஜ்ஜூவாகும்.
கேதுவின் அஸ்வினி, மகம், மூலம் நட்சத்திரங்களும் புதனின் கேட்டை, ரேவதி, ஆயில்யம் நட்சத்திரங்களும் ஆகிய 6 நட்சத்திரங்கள் பாத ரஜ்ஜூவில் ஒரே ரஜ்ஜூவாகும்.

இதில் பெண்ணின் நட்சச்திரமும் - ஆணின் நட்தச்திரமும் ஒரே ரஜ்ஜூவானால் பொருத்தமில்லை வெவ்வேறு ரஜ்ஜூவானால் உத்தமம், பெண்ணின் நட்சச்திரமும் - ஆணின் நட்தச்திரமும் ஆரோகணம் மற்றொன்று அவரோகணம் ஆக வந்தால் மத்திம ரஜ்ஜூ பொருத்தம் உண்டு என்று சில ஜோதிட நூல்கள் உரைக்கின்றன.

திருமணப் பொருத்தத்தில் பெண்ணின் ரோஹிணி நட்சச்திரம் கழுத்து ரஜ்ஜூ - ஆணின் ரோஹிணி நட்சச்திரம் கழுத்து ரஜ்ஜூ இரண்டும் ஒரே ரஜ்ஜூவானதால் ரஜ்ஜூப் பொருத்தம் இல்லை.

10. வேதை பொருத்தம் -
வேதை என்றால் இடையூறு, தடை  எனப் பொருள்படும். 27 நட்சச்திரங்களில் குறிப்பிட்ட நட்சத்திரம் மற்றொரு நட்சச்திரத்திற்கு வேதை ஏற்படுத்தும் என்று ஜோதிட நூல்கள் உரைக்கின்றன, எனவே இவ்வாறு வேதை ஏற்படுத்தும் நட்சச்திரங்கள் பொருத்தமில்லாது போகும்.

ஒன்றுக்கொன்று வேதை அடையும் நட்சத்திரங்கள் :
அஸ்வினி - கேட்டை
பரணி - அனுஷம்
கார்த்திகை - விசாகம்
ரோஹிணி - சுவாதி
திருவாதிரை - திருவோணம்
புனர்பூசம் - உத்திராடம்
பூசம் - பூராடம்
ஆயில்யம் - மூலம்
மகம் - ரேவதி
பூரம் - உத்திரட்டாதி
உத்திரம் - பூரட்டாதி
அஸ்தம் - சதயம்
மிருகசீரிஷம் - சித்திரை
மிருகசீரிஷம் - அவிட்டம்
சித்திரை - அவிட்டம்

பெண்ணின் ரோஹிணி நட்சச்திரமும் - ஆணின் ரோஹிணி நட்சத்திரமும் இரண்டும் வேதை அடையும் நட்சத்திரங்கள் ஆக வராததால் எனவே வேதை பொருத்தம் உண்டு.

11. நாடிப் பொருத்தம் -
நமது மருத்துவத்தில் உடலின் பஞ்பூத கலப்பு சக்தியை வைத்து மூன்று வகை நாடிகளாக வகைபடுத்துவர் அது வாதம், பித்தம், சிலேத்துமம் இதை சமஸ்கிருதத்தில் பார்சுவநாடி, மத்தியா நாடி, சமான நாடி என்பர் இதில் இந்த வகைபடுத்தலை 27 நட்சச்திரங்களுக்கும் பொருத்தபட்டுள்ளது அவை

பார்சுவநாடி () வாத நாடி - அஸ்வினி, திருவாதிரை, புனர்பூசம், உத்தரம், அஸ்தம், கேட்டை, மூலம், சதயம், பூரட்டாதி
மத்தியா நாடி () பித்த நாடி - பரணி, மிருகசீரிஷம், பூசம், பூரம், சித்திரை, அனுஷம், பூராடம், அவிட்டம், உத்திரட்டாதி.
சமான நாடி () சிலேத்தும நாடி - கார்த்திகை, ரோஹிணி, ஆயில்யம், மகம், சுவாதி, விசாகம், உத்திராடம், திருவோணம், ரேவதி

பெண் நாடியும் ஆண் நாடியும் வெவ்வேறாக நாடியாக இருந்தாலும், பெண் நாடியும் ஆண் நாடியும் சமான நாடி (சிலேத்தும நாடி) இருந்தால் நாடிப் பொருத்தம் உண்டு.

பெண்ணின் ரோஹிணி நட்சத்திரம் சிலேத்தும நாடி ஆகும் - ஆணின் ரோஹிணி நட்சத்திரம் சிலேத்தும நாடி பெண் நாடியும் ஆண் நாடியும் இரண்டும் சிலேத்தும நாடியாக இருப்பதால் நாடிப் பொருத்தம் உண்டு.

12. விருட்ச பொருத்தம் -
விருட்சம் என்றால் மரம் இதில் 27 நட்சச்திரங்களையும் இளகிய பால் மரங்கள் என்ற ஒரு வகையிலும், உறுதிதன்மையான பால் இல்லாதது மரங்கள் மற்றொரு வகையிலும் பிரித்துள்ளனர், பெண்ணின் நட்சச்திரமும் - ஆணின் நட்தச்திரமும் பால் மரமாக இருந்தால் விருட்ச பொருத்தம் உண்டு, பெண் பால் மரமாகவும் ஆண் பால் இல்லாத வகை ஆனால் பொருத்தம் உண்டு, இது ஒரு முக்கிய பொருத்தம் இல்லை என்பது வழக்கு.

பால் இருக்கும் வகை
கார்த்திகை - அத்தி
ரோஹிணி - நாவல்
பூசம் - அரசு
ஆயில்யம் - புன்னை
மகம் - ஆல்
பூரம் - பலா
உத்திரம் - அலரி
அஸ்தம் - வேலம்
கேட்டை - பிராய்
மூலம் - மா
பூராடம் - வஞ்சி
உத்திராடம் - பலா
திருவோணம் - எருக்கு
பூரட்டாதி - தேமா
ரேவதி -இலுப்பை
பால் இல்லாத வகை
அஸ்வினி - எட்டி
பரணி - நெல்லி
மிருகசீரிஷம் - கருங்காலி
திருவாதிரை - செங்கருங்காலி
புனர்பூசம் - மூங்கில்
சித்திரை - வில்வம்
சுவாதி - மருதம்
விசாகம் - விளா
அனுஷம் - மகிழ்
அவிட்டம் - வன்னி
சதயம் - கடம்பு
உத்திரட்டாதி - வேம்பு
பெண்ணின் ரோஹிணி நட்சத்திரம் பால் இருக்கும் வகை - ஆணின் ரோஹிணி நட்சத்திரமும் பால் இருக்கும் வகை எனவே பெண் பால் மரமாகவும் ஆணும் பால் மரமான வகை ஆனதால் பொருத்தம் உண்டு.

பெண்ணின் ரோஹிணி நட்சத்திரமும் - ஆணின் ரோஹிணி நட்சத்திரமும் திருமண பொருத்தத்தில் மொத்தம் 12 பொருத்தில்  7 பொருத்தம் பெற்றுள்ளது அதில் முக்கிய பொருத்தங்கள் முழுமை பெறாததால் எனவே இந்த இரு நட்சத்திரங்களுக்கும் பொருந்த தரம் அஸங்கம் (சேர்க்கை இல்லை).
- ஜோதிஷ் சிவதத்துவ சிவம்
 



நவகிரகங்களின் திக்பலாபலன் காணும் முறை…

நவகிரகங்களின் திக்பலாபலன் காணும் முறை


திக்பலம் காண்பது என்பது ஜோதிட பலன் காணும் முறையில் முந்தியது பல பழமையான நூல்களிலும் தொடர்ந்து கூறப்பட்டு வரும் கிரக பலம் மற்றும் பலவீனம் ஆகும் இந்த திக்பலத்தை ஒரு கிரகம் எப்படி பெறும் அதனால் ஆகும் நன்மை, அதே கிரகம் திக்பலத்தை இழந்தால் ஆகும் பலவீனங்கள் என்ன என்ன என்பது ஒரு ஜாதக பலன் காணும் முறைக்கு முக்கியம் ஆகும், ஒரு கிரகத்தின் திக்பலம் என்பது அந்த கிரகம் இருக்கும் இராசி, ஸ்தானம், சாரம், கிரக உறவுமுறைக்கு தக்கவாறு மாறும் தன்மை கொண்டது இதை ஒருவர் அனுபவரீதியாக உண்ர்வார், அதே சமயம் ஆரம்ப நிலையில் திக்பலத்தை அறியும் பொது விதியை மட்டும் இங்கு இப்பாடலை ஒட்டி விளக்குகிறேன்...


- ஜோதிஷ் சிவதத்துவ சிவம்

நவகிரகங்களும் அதன் காரகத்துவ காலங்களும்…


நவகிரகங்களும் அதன் காரகத்துவ காலங்களும்

சாதாரணமான ஒரு வருடத்தின் சுற்றில் நிகழும் கால மாற்றங்களை பூமியின் சூரியசந்திர தொடர்பின் மூலமும் மற்ற கிரகங்களின் தொடர்பின் மூலமும் மாற்ற காண்கின்றன அதை அந்த அந்த கிரகங்களுக்கு தக்கவாறு பிரித்து தந்துள்ளனர் இது வானிலை காலக்கணிதத்திற்கு மிகவும் பயன்பட்டிருக்கிறது அதை கீழே தந்துள்ளேன் -

கோள்கள்
காலங்கள் (Seasons)
சூரியன்
முன் கோடை காலம்
சந்திரன்
மழைக்காலம்
செவ்வாய்
பின் கோடை காலம்
புதன்
இலையுதிர்க் காலம்
வியாழன்
முன்பனிக் காலம்
சுக்கிரன்
வசந்த காலம்
சனி
பின்பனிக் காலம்
ராகு
பெரும் மழை, கிரகண காலம்
கேது
பெரும் மழை, கிரகண காலம்

- ஜோதிஷ் சிவதத்துவ சிவம்
 


மீனம் இராசி மண்டலத்தில் உள்ள நட்சத்திரங்கள் அதன் பாகை மற்றும் நவாம்ச இராசி…

மீனம் இராசி மண்டலத்தில் உள்ள நட்சத்திரங்கள் அதன் பாகை மற்றும் நவாம்ச இராசி

இராசி சக்கரத்தில் 12 இராசி மண்டலகளிலும் ஒவ்வொரு இராசி மண்டலத்துக்கும் மூன்று நட்சத்திரங்களின் பங்களிப்பும் மற்றும் அந்த ஒரு நட்சத்திரத்தை 4 பாகங்களாக பிரித்து அப்படி பிரிக்கபட்ட 9 பாகங்களை அதை தான் ஜோதிட மொழியில் 9  பாதங்கள் என்று கூறுகிறோம்,

உதாரணமாக ஒரு நட்சத்திரத்தில் இருந்து 4 பாதங்கள் பின் இரண்டு நட்சத்திரங்களில் இருந்து மீதி 5 பாதங்கள் சேர்க்கபட்டு மொத்தம் 9 பாதங்களாக தொகுத்து அதை தான் இராசி என்கிறார்கள் முன்னோர்கள்,

இராசி என்றால் தொகுதி, தொகுப்பு, சந்திர ஷேத்திரம், ஆகாய வட்ட பாதை என்றெல்லாம் பொருள்கள் உண்டு எனவே இது தான் ஜோதிடத்தின் அடிப்படை, உங்களுக்கு பாடம் சொல்லித் தருவது எனது நோக்கமில்லை அதற்கு பதிலாக பல அன்பர்கள் ஜோதிடத்தின் அடிப்படை கூறுகளை தெரிந்து கொள்ள விரும்புவதால் எளிமையாக பதிவு செய்கிறேன்.

ஒரு இராசி மண்டலத்தில் 30:00:00 பாகை:கலை: விகலை உள்ளது ஒவ்வொரு நட்சத்திரத்தில் 13:20:00 பாகை:கலை: விகலை உள்ளது ஒவ்வொரு நட்சத்திர பாதத்தில் 3:20:00 பாகை:கலை: விகலை உள்ளது, ஒரு இராசி மண்டலத்தில் உள்ள ஒவ்வொரு நட்சத்திரத்தின் ஒவ்வொரு பாதமும் ஒவ்வொரு நவாம்ச வர்க்கத்தில் ஒவ்வொரு இராசியை அடையும் இதன் எளிமையான அட்டவனை தான் இது,

ஒருவர் கோயிலில் அர்ச்சனை செய்வதற்க்காக தனது ஜென்ம நட்சத்திரம் இராசியை சொல்லுவார்கள் உதாரணமாக ஒருவர் உத்திரட்டாதி நட்சத்திரம் மீனம் இராசி என்று சொல்கிறார் என்றால் அவரின் ஜாதகத்தில் மனக்காரகன் ஆன சந்திரன் உத்திரட்டாதி நட்சத்திர ஆகாய மண்டலத்தில் சஞ்சரிக்கும் காலத்தில் பிறந்திருப்பார் என்று அறிந்து கொள்ளவேண்டும்.

மீன இராசி மண்டலத்தில் உள்ள நட்சத்திரங்கள் அதன் 9 பாதங்கள் பாகைகளின் விவரம் மற்றும் அந்த பாதம் உள்ள நட்சத்திரம் அடையும் நவாம்ச இராசி அட்டவனை -

ராசி
அதிபதி
நட்சத்திர பாதம்
அதிபதி
பாகை - கலை
பாகை - கலை
நவாம்ச ராசி
மீனம்
குரு
பூரட்டாதி 4
குரு
330:00:00
333:20:00
கடகம்
மீனம்
குரு
உத்திரட்டாதி 1
சனி
333:20:00
336:40:00
சிம்மம்
மீனம்
குரு
உத்திரட்டாதி 2
சனி
336:40:00
340:00:00
கன்னி
மீனம்
குரு
உத்திரட்டாதி 3
சனி
340:00:00
343:20:00
துலாம்
மீனம்
குரு
உத்திரட்டாதி 4
சனி
343:20:00
346:40:00
விருச்சிகம்
மீனம்
குரு
ரேவதி 1
புத
346:40:00
350:00:00
தனுசு
மீனம்
குரு
ரேவதி 2
புத
350:00:00
353:20:00
மகரம்
மீனம்
குரு
ரேவதி 3
புத
353:20:00
356:40:00
கும்பம்
மீனம்
குரு
ரேவதி 4
புத
356:40:00
360:00:00
மீனம்

- ஜோதிஷ் சிவதத்துவ சிவம்
 


Powered by Blogger